Kanadaning Charlottetown 18 fregati (uch machtali yelkanli harbiy kema) 18-iyul kuni Qora dengiz akvatoriyasiga kirdi, u yerda 2-avgustgacha bo‘lib turadi. Bu haqda Kanada mudofaa vazirligiga tayanib, “TASS” xabar berdi.
Ta’kidlanishicha, kema boshqa NATO mamlakatlari kemalari bilan birgalikda turli manyovrlarni mashq qiladi. “Bundan tashqari, Charlottetown diplomatik va harbiy aloqalarni mustahkamlash uchun Kanadaga ittifoqdosh mamlakatlar portlariga kiradi”, — deyiladi vazirlik xabarida.
“Charlottetown fregatining Qora dengizga joylashtirilishi Kanada Qurolli kuchlarining dengiz akvatoriyasida inqiroz va nizolarga tezkorlik bilan javob qaytarish hamda birgalikda operatsiyalar o‘tkazish uchun NATO mamlakatlari dengiz salohiyatini mustahkamlash tarafdori ekanligini ko‘rsatib beradi”, — dedi Kanada Qurolli kuchlari general-polkovnigi Stiven Bous.
Kanadaning ushbu turdagi kemalari shaxsiy tarkibi 250 kishiga yetadi. Ular, shuningdek, CH-124 Sea King paluba vertolyotlarini olib yuradi.
Izoh (0)