Россия президенти Владимир Путин Туркия етакчиси Ражаб Тоййиб Эрдўғон билан телефон орқали мулоқот ўтказди. Суҳбат Россия томони ташаббуси билан бўлиб ўтгани билдирилмоқда, деб хабар беради «Газета.ru».
Путин мулоқот довомида «Россия давлат ҳаётида аксилконституциявий ҳаракатлар ва зўравонликка мутлақо йўл қўймаслик тамойилини қўллаб-қувватлаши»ни таъкидлади. Ҳарбий тўнтариш оқибатида қурбонлар бўлгани муносабати билан ҳамдардлик билдирди ва мамлакатда тез орада тартиб ва барқарорлик тикланишини тилади. Шунингдек, Туркия россиялик сайёҳларнинг максимал даражадаги хавфсизлигини таъминлашига ишонч билдирди.
Икки давлат раҳбари ҳам шахсий учрашув борасидаги келишувни тасдиқлади.
Изоҳ (0)