Спорт кийимларини ишлаб чиқарувчи Италиянинг Errea компанияси Евро–2016 турнирида муваффақиятли иштирок этаётган Исландия терма жамоасининг футболкаларига ортиб бораётган талаб сабабли муаммоларга дуч келди. Бу ҳақда «Интерфакс» хабар бермоқда.
Компания вакили Фабрицио Таддеининг айтишича, Исландия термасининг футболкаларига бўлган талаб жамоанинг нимчорак финалда Англияни 2:1 ҳисобида мағлубиятга учратганидан сўнг айниқса ошди.
Энг кўп футболкалар Шотландияда сотиб олинмоқда. Ушбу мамлакат вакиллари одатга кўра Англия термасига қарши мухлислик қилади. Умуман олганда, бутун Европа бўйлаб талаб ошган.Маълумот учун, Исландия терма жамоаси чорак финал учрашувини эртага, 3 июль куни Францияга қарши ўтказади. Ўйин Тошкент вақти билан 23:59 да бошланади.
Изоҳ (0)