Islandiya termasining futbolkalarini ishlab chiqaruvchi kompaniya ortib borayotgan talab sababli muammoga duch keldi

Sport kiyimlarini ishlab chiqaruvchi Italiyaning Errea kompaniyasi Yevro–2016 turnirida muvaffaqiyatli ishtirok etayotgan Islandiya terma jamoasining futbolkalariga ortib borayotgan talab sababli muammolarga duch keldi. Bu haqda “Interfaks” xabar bermoqda.

Kompaniya vakili Fabritsio Taddeining aytishicha, Islandiya termasining futbolkalariga bo‘lgan talab jamoaning nimchorak finalda Angliyani 2:1 hisobida mag‘lubiyatga uchratganidan so‘ng ayniqsa oshdi.

• Yevro–2016 dagi muvaffaqiyatli ishtirokidan so‘ng Islandiya termasi futbolkalarining sotuvi 1800 foizga oshdi

Eng ko‘p futbolkalar Shotlandiyada sotib olinmoqda. Ushbu mamlakat vakillari odatga ko‘ra Angliya termasiga qarshi muxlislik qiladi. Umuman olganda, butun Yevropa bo‘ylab talab oshgan.

• Yevro—2016 dagi kashfiyotchi Islandiya yana nimalari bilan mashhur?

Ma’lumot uchun, Islandiya terma jamoasi chorak final uchrashuvini ertaga, 3-iyul kuni Fransiyaga qarshi o‘tkazadi. O‘yin Toshkent vaqti bilan 23:59 da boshlanadi.