Францияда давом этаётган Европа Чемпионатининг «F» гуруҳидаги олти учрашувдан фақатгина 2 тасида ғолиб жамоани аниқлашнинг имкони бўлди. Венгрия ва Исландия терма жамоалари Австрияни мағлуб этишга муваффақ бўлди. Қолган барча учрашувларда кучлар тенг келди.
Гуруҳдаги сўнгги турда Австрия Исландияга 1:2 ҳисобида имкониятни бой берди. Евро—2016 кашфиётларидан бири сифатида эътироф этилган Исландия 94-дақиқага келиб иккинчи голни киритишга эришди.
Австрия терма жамоаси турнирдаги иштирокини давом эттириши учун зафар қучиши керак эди. Бироқ учрашувнинг 37-дақиқасида Александар Драгович пенальтидан аниқ фойдалана олмади. Унинг зарбаси дарвоза устунига тегиб қайтди. Қайд этиш керак, Драгович Венгрияга қарши кечган 1-турда қизил карточка олиб майдонни тарк этганди.
Португалия ва Венгрия термалари ўйинида 3:3 ҳисоби қайд этилди. Томонлар ҳисоб борасида қувлашмачоқ ўйнади. Венгерлар уч бор олдинга чиқиб олган бўлса, Португалия ҳар сафар мувозанатни тиклашга эришди.
Венгрия сафида Болаж Жуджак, Португалияда эса Криштиану Роналду дубл қайд этишга муваффақ бўлди. Шу тариқа Криштиану Роналду кетма-кет 4 та Европа Чемпионатида гол урган биринчи футболчига айланди.
Гуруҳ ўйинларини Венгрия ва Исландия 5, Португалия 3, Австрия 1 очко билан якунлади. «F» гуруҳида дастлабки уч ўринни қўлга киритган терма жамоалар мусобақадаги иштирокини давом эттирадиган бўлди.
[wpse_match id="351465" show_title=1]
[wpse_match id="351466" show_title=1]
Изоҳ (0)