«Севилья» кетма-кет учинчи бор Европа Лигасида зафар қучган биринчи клубга айланди

Испаниянинг «Севилья» клуби Европа Лигасининг финал учрашувида «Ливерпуль» устидан иродали ғалабага эришди. Биринчи бўлимда Англия клуби ҳисобда олдинга чиқиб олган бўлсада, иккинчисида ўз дарвозасидан учта гол ўтказиб юборди.

• Сўровнома. «Ливерпуль» ва «Севилья»: футбол бўйича Европа Лигаси финалидан нима кутяпсиз?

• «Ливерпуль» — «Севилья» 1:3. Матнли онлайн

Европа Лигаси тарихида ҳеч бир клуб кетма-кет уч бор чемпионликни қўлга киритмаганди. Испаниянинг «Севилья» жамоаси бу ишни 1 та мураббий — Унаи Эмери билан амалга ошириб, тарихга кирди.

Шунингдек, Европа Лигасида умумий ҳисобда 5 бор зафар қучган биринчи жамоа ҳам «Севилья» бўлди. Бунинг натижасида Ла Лигани 7-ўринда якунлаган клуб келаси мавсумни Европа Чемпионлар Лигасида ўтказадиган бўлди.

«Ливерпуль» Юрген Клопп бошқарувида келаси мавсумни халқаро майдондан ташқарида ўтказади. Англия Премьер-лигасини 8-ўринда якунлаган жамоа энди бор эътиборини миллий чемпионатга қаратиши мумкин.

• «Ливерпуль» — «Севилья»: финал бизга нима тақдим этиши мумкин?

Европа ЛигасиФИНАЛ 18 май, чоршанба

«Ливерпуль» (Англия) — «Севилья» (Испания) 1:3

Голлар: Дэниел Старриж, 35 (1:0). Кевин Гамейро, 46 (1:1). Коке, 64 (1:2). Коке, 73 (1:3).«Ливерпуль»: Симон Миньоле, Натаниэл Клайн, Коло Туре (Кристиан Бентеке, 82), Деян Ловрен, Жеймс Милнер, Филиппо Коутиньо, Роберто Фирмино (Дивок Ориги, 69), Дэниел Старриж, Альберто Морено, Адам Лаллана (Жо Аллен, 73), Эмре Жан.«Севилья: Давид Сория, Адил Рами (Тимоте Колозейчак, 78), Гжегож Криховяк, Даниэль Каррису, Кевин Гамейро (Висенте Иборра, 89), Стивен Н’Зонзи, Серхио Эскудеро, Эвер Банега (Себастьян Кристофоро, 90+3), Витоло, Коке, Мариано Феррейра.