“Sevilya” ketma-ket uchinchi bor Yevropa Ligasida zafar quchgan birinchi klubga aylandi

Ispaniyaning “Sevilya” klubi Yevropa Ligasining final uchrashuvida “Liverpul” ustidan irodali g‘alabaga erishdi. Birinchi bo‘limda Angliya klubi hisobda oldinga chiqib olgan bo‘lsada, ikkinchisida o‘z darvozasidan uchta gol o‘tkazib yubordi.

• So‘rovnoma. “Liverpul” va “Sevilya”: futbol bo‘yicha Yevropa Ligasi finalidan nima kutyapsiz?

• “Liverpul” — “Sevilya” 1:3. Matnli onlayn

Yevropa Ligasi tarixida hech bir klub ketma-ket uch bor chempionlikni qo‘lga kiritmagandi. Ispaniyaning “Sevilya” jamoasi bu ishni 1 ta murabbiy — Unai Emeri bilan amalga oshirib, tarixga kirdi.

Shuningdek, Yevropa Ligasida umumiy hisobda 5 bor zafar quchgan birinchi jamoa ham “Sevilya” bo‘ldi. Buning natijasida La Ligani 7-o‘rinda yakunlagan klub kelasi mavsumni Yevropa Chempionlar Ligasida o‘tkazadigan bo‘ldi.

“Liverpul” Yurgen Klopp boshqaruvida kelasi mavsumni xalqaro maydondan tashqarida o‘tkazadi. Angliya Premyer-ligasini 8-o‘rinda yakunlagan jamoa endi bor e’tiborini milliy chempionatga qaratishi mumkin.

• “Liverpul” — “Sevilya”: final bizga nima taqdim etishi mumkin?

Yevropa Ligasi FINAL 18-may, chorshanba

“Liverpul” (Angliya) — “Sevilya” (Ispaniya) 1:3

Gollar: Deniyel Starrij, 35 (1:0). Kevin Gameyro, 46 (1:1). Koke, 64 (1:2). Koke, 73 (1:3).“Liverpul”: Simon Minyole, Nataniel Klayn, Kolo Ture (Kristian Benteke, 82), Deyan Lovren, Jeyms Milner, Filippo Koutinyo, Roberto Firmino (Divok Origi, 69), Deniyel Starrij, Alberto Moreno, Adam Lallana (Jo Allen, 73), Emre Jan.“Sevilya: David Soriya, Adil Rami (Timote Kolozeychak, 78), Gjegoj Krixovyak, Danyiel Karrisu, Kevin Gameyro (Visente Iborra, 89), Stiven N’Zonzi, Serxio Eskudero, Ever Banega (Sebastyan Kristoforo, 90+3), Vitolo, Koke, Mariano Ferreyra.