Футбол бўйича Европа Лигаси турнирининг финалида илк бор гол бўлганини аниқлайдиган тизимдан фойдаланилади, бу ҳақда «ТАСС» агентлигига таяниб, «Спорт-Экспресс» хабар бермоқда.
Одатда УЕФА байроғи остидаги турнирларда дарвоза ортида қўшимча ҳакамлар ишларди. Январь ойида УЕФА Ижроия қўмитаси қўшимча ҳакамлар билан бирга голни аниқлайдиган тизим ҳам жорий этилиши ҳақида қарор қабул қилганди.
Европа Лигаси финалида «Ливерпуль» ҳамда «Севилья» жамоалари ўзаро баҳс олиб боради. Мазкур учрашув бугун, 18 май куни Базель шаҳрида бўлиб ўтади.
Тошкент вақти билан 23:45 да старт оладиган ўйиндан «Дарё» нашри матнли онлайн уюштиради.
Изоҳ (0)