Туркия президенти Ражаб Тоййиб Эрдўғон украиналик қўшиқчи Жамалани «Евровидение — 2016» танловидаги ғалабаси билан табриклади, дея хабар бермоқда «Корреспондент.net» Anadolu агентлигига таяниб.
Нашр давлат раҳбари маъмуриятидаги манбасига таяниб ёзишича, президент 16 май куни эрталаб хонандага шахсан ўзи қўнғироқ қилган ва унинг бундан кейинги ижодида омадлар тилаб қолган.
«Жамала миннатдорлик билдирди ва Туркия етакчиси табригидан таъсирланганини таъкидлади», — дейилади хабарда.
Эслатиб ўтамиз, «Евровидение» танловида Жамала қрим-татарлар депортациясига бағишланган «1944» номли қўшиғини ижро этиб, ғолиб бўлган эди.
Изоҳ (0)