18—20 май кунлари Тошкент бутун дунё экспертларини жамлайдиган «Ўзбекистон нефти ва гази – OGU 2016» 20-Халқаро кўргазма ва конференцияни қабул қилади.
Ўзбекистон нефтгаз тармоғининг асосий юбилей кўргазмасига тармоқ экспертлари ва жаҳоннинг пешқадам компаниялари келмоқда. Углеводородлар бозорининг барча асосий масалаларини қамраб олувчи кенг кўламли кўргазма ва илмий дастур 25 мамлакат вакилларини жалб қилди. Жумладан, кўргазманинг энг йирик иштирокчилари бўлмиш «Лукойл», SOCAR, Schlumberger, General Electric, Hyundai Engineering Co. Ltd инновацион технологияларни тақдим этади.
«Ўзбекистон нефтгаз тармоғи: Технологиялар, Инвестициялар ва Ривожланиш» мавзусидаги халқаро конференция дастурида делегатларнинг нуфузли рўйхати ўрин олган. Конференциянинг дастлабки маърузачилари орасида — Халқаро газ иттифоқи бош котиби Пол Расмуссен ва Европа Иттифоқи раисининг энергетика бўйича биринчи ўринбосари Марош Шефчовичлар бор. Асосий маърузалар орасидан қуйидаги мавзулар ўрин олган: «Ўзбекистонда нефть ва газни қидириш ва қазиб олиш самарадорлигини ошириш», «Газни қайта ишлаш бўйича лойиҳаларни ривожлантириш», «Энергиянинг қайта тикланадиган манбалари».
20 йилдан бери OGU кўргазмаси Ўзбекистон нефтгаз тармоғининг энг муҳим воқеаси бўлиб келмоқда ва Ўзбекистон Республикаси Вазирлар Маҳкамаси ва «Ўзбекнефтегаз» Миллий холдинг компаниясининг расмий кўмагида ўтказилмоқда. Тадбир халқаро нефть ва газ компаниялари учун энг янги ютуқлар ва ишланмаларни намойиш қилиш учун юқори даражадаги бизнес-платформани тақдим этади ҳамда етказиб берувчилар ва ишлаб чиқарувчилар учрашуви учун энг мақбул жой бўлиб қолмоқда.
Кўргазма ташкилотчиси — ITE Uzbekistan халқаро компанияси ва унинг ITE гуруҳидаги ҳамкорлари.
Кўргазмага ташриф буюрувчилар олдиндан шахсий электрон бейжларини олишлари мумкин, бу эса қўшимча рўйхатдан ўтмасдан кўргазмага кириш имконини беради.
18, 19, 20 май кунлари «Ўзекспомарказ» кўргазмалар мажмуасида учрашамиз.
Дастлабки икки кун биз тармоқ мутахассисларини кутамиз.
Маълумотлар учун телефон: 113-01-80
Реклама ҳуқуқи асосида. Хизматлар лицензияланган
Изоҳ (0)