«Барселона» жамоаси ҳужумчиси Луис Суарес «Эспаньол»га қарши (5:0) Испания чемпионати 37-турида Ла Лиганинг юбилей голига муаллифлик қилди, деб хабар бермоқда «Корреспондент.net».
Учрашувнинг 52-дақиқасида гол киритган уругвайлик футболчи Ла Лиганинг 2015/16 йилги мавсумининг 1000-голига муаллифлик қилди. Шунингдек, Суарес 61-дақиқада ҳам гол киритишга муваффақ бўлди.
Қайд этиш жоиз, Луис Суарес Испания чемпионатининг 34 ўйинида майдонга тушиб, 37 та голга муаллифлик қилди. У тўпурарлар рўйхатида пешқадам бўлиб турибди. Унинг энг яқин таъқибчиси Криштиану Роналду ҳисобида 33 та гол мавжуд.