Туркия мамлакатнинг Килис шаҳрини ўққа тутган ИШИД тарафдорларининг марраларига қарата жавоб зарбаларини берди. Бу ҳақда, турк ҳарбийлари ахборотига таяниб, «РБК» хабар бермоқда.
Куни кеча ИШИД тарафдорлари Туркиянинг Килис шаҳри томон камида икки марта ракета учирган эди. Сурия ҳудудидан туриб амалга оширилган ҳужум оқибатида икки киши жабрланган.
Сўнгги бир неча ҳафта давомида Килис мунтазам равишда ракета зарбаларига учрамоқда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)