Хитой Американинг «Жон Стеннис» авиаташувчисига Гонконг портига киришга рухсат бермади. Бу ҳақда 29 апрель, жума куни South China Morning Post нашри маълум қилди, деб хабар беради «Интерфакс».
Американинг Гонконгдаги консуллиги вакилининг сўзларига қараганда, Хитой томони рухсат берилмаганлик сабабини маълум қилмади. ХХР Ташқи ишлар вазирлиги рад этиш ҳақидаги хабарни АҚШга етказди.
Нашрнинг таъкидлашича, 15 апрель куни авиаташувчига АҚШ Мудофаа вазири Эштон Картер ташриф буюрган. Унга филиппинлик ҳамкасби Вольтер Газмин ҳамроҳлик қилган.
ХХР ва Жануби-Шарқий Осиё давлатлари иттифоқи — Филиппин, Малайзия, Бруней ва Вьетнам Жанубий Хитой денгизидаги Наньша архипелаги бўйича ҳудудий мунозараларни олиб бормоқда. АҚШ бу баҳсда Жануби-Шарқий Осиё давлатлари иттифоқини қўллаб-қувватламоқда.
Изоҳ (0)