Бугун,

  • USD 10940.05
  • RUB 182.26
  • EUR 11121.65

Telegram яратувчиси Павел Дуров мессенжерни сотиш ҳақида ҳеч қачон музокаралар олиб бормагани ва бундай музокараларни бошлаш нияти ҳам йўқлигини маълум қилди, деб ёзади Meduza. Шу тариқа, у «Секрет фирми» журналининг Google Telegram’ни сотиб олишга қизиқиш билдиргани ва Дуров компания бош директори Сундар Пичаи билан 2015 йил майида учрашгани ҳақидаги хабарларини рад этди.

Фото: Fortune

Фото: Fortune

«Секрет фирми» хабаридан Fortune журнали иқтибос келтирди. Дуров Fortune «паст сифатли блог»дан олинган хабарга ишонгани учун таажжуб билдирди.

Fortune хабарида «РБК» нашрига ҳам ҳавола берилган бўлиб, Google Telegram’ни сотиб олиш имкониятини кўриб чиққани, аммо Америка компаниясининг таклифи Дуровни қониқтирмагани айтилади. «РБК» тилга олинишига жавобан, Дуров ушбу постга изоҳ ёзди ва «ахборот манбаларини текширадиган Россиядаги ягона ишончли ОАВ ‘Ведомости’ эканлиги»ни таъкидлади.

Изоҳ
Асосий янгиликлар