Android учун мўлжалланган браузерлар ичида энг тез ишлайдигани аниқланди

«Лайфхакер» нашри Android учун ўнта энг оммабоп браузерларнинг ишлаш тезлиги ва хотирани сарф қилиш даражасини аниқлаш устида ўтказилган тадқиқот ҳақида мақола чоп этди.

Ушбу тестдан мақсад веб-саҳифалар рендерингини энг тез уддалай оладиган браузерни аниқлашдан иборат бўлди. Бунинг учун қуйидаги браузерлар танлаб олинди:

• Google Chrome 49.0.2623.105,
• Dolphin Browser 11.5.5,
• Mozilla Firefox 45.0.2,
• Naked Browser 1.0 build 112,
• Opera Browser 36.1.2126.102083,
• Puffin Browser 4.7.4.2567,
• UC Browser 10.9.0,
• InfiKen Labs Flynx Browser 2.0.1,
• Ghostery Browser 1.3.2,
• Mercury Browser 3.2.3.

Тажрибалар Android 6.0.1 Marshmallow бошқарувидаги Nexus 6P смартфонида ўткаизлди.

Sunspider 1.0.2

Биринчи синов сифатида Sunspider 1.0.2’дан фойдаланилди, у JavaScript унумдорлигини браузердаги реал сценарийларда текширади. Ўлчов миллисонияларда бажарилади.

Mozilla Kraken 1.1

Ушбу тест натижалари реал ҳаётда учрайдиган топшириқларни бажариш тезлигини акс эттирди.

Peacekeeper

Ушбу тест веб-браузер қаршисида пайдо бўладиган ҳар хил турдаги топшириқларни синовдан ўтказишга қаратилган.

Browsermark 2.1.3

Ушбу бенчмарк браузернинг умумий унумдорлигини текширади. Бўш саҳифанинг юкланиши, экран ориентациясининг ўзгариши, браузернинг JavaScript, CSS, DOM кабилар билан ишлаши ва бошқа топшириқларни бажариш тезлиги аниқланди.

Хотира сарфи

Ҳар бир браузер битта бўш вкладкани очишда қанча тезкор хотирани талаб қилиши аниқланди.

Турли сайтлардан иборат бешта вкладкани очишда эса вазият кескин ўзгарди.

Қиссадан ҳисса

Тест натижалари Android учун энг тезкор браузер ролига Puffin Web Browser даъвогарлик қилишини кўрсатди. Аммо бунинг учун гаджетингиз етарлича тезкор хотирага эга бўлиши керак. Агар сизда бу бўйича муаммо бўлса, у ҳолда Google Chrome’ни танлаганингиз маъқул. У саҳифаларга ишлов бериш тезлиги бўйича ўртача натижа кўрсатган бўлса-да, тежамкор бўлиб чиқди.