Футбол бўйича Ўзбекистон Олий лигаси 6-туридан жой олган 3 та беллашув ўз якунига етди.
Тошкент дербисида «Обод» ҳамда «Бунёдкор» клублари тўқнаш келди ва унда Сергей Лушчан жамоаси йирик — 4:0 ҳисобида зафар қучди. Қайд этиш керак, «Бунёдкор» Осиё Чемпионлар Лигаси гуруҳ босқичининг Тошкентда ўтган сўнгги олти ўйинида рақиб дарвозасига йўл топа олмаганди.
Беллашувдан кейин журналистлар саволларига жавоб қайтарган «Бунёдкор» бош мураббийи Сергей Лушчан шогирдлари кўп гол уришини кутмагани ва улар 4 та вазиятдан 4 та гол киритганини тан олди. «Chempionat.asia» сайтида Лушчандан иқтибос келтирилишича, Қатарнинг «Леҳвия» клуби «Бунёдкор»дан, «Бунёдкор» эса «Обод»дан савиялироқ бўлгани учунгина ғалаба қозонган.
Турнинг иккинчи ўйинида Фарғонанинг «Нефтчи» клуби «Машъал» устидан иродали ғалабага эришди. Қайд этиш керак, «Нефтчи» Муборакка ташриф буюрган охирги олти йилида рақибини мағлуб эта олмаганди. Сўнгги бор 2009 йилги мавсумда муваффақият қозонган «Нефтчи», 2016 йилги мавсумга келибгина «Машъал» майдонидан 3 очко билан қайтди.Сўнгги икки турда «Локомотив» ва «Нефтчи»дан жами 4 очко тортиб олган Жиззахнинг «Сўғдиёна» клуби эса «Андижон»га келганда юришини давом эттира олмади.
23 апрель ҳолатига кўра, «Бунёдкор» 16 очко билан яккапешқадам бўлиб турибди. Шу билан бирга Сергей Лушчан жамоаси Осиё Чемпионлар Лигасидаги юришига расман якун ясаган мамлакатнинг ягона жамоаси ҳамдир. «Андижон» ҳамда «Нефтчи» очколари сонини 6 тага етказди. «Обод» эса олти беллашувнинг бирортасида ҳам зафар қуча олмай, 2 очко билан 15-ўринда бормоқда.
Ўзбекистон Олий Лигаси 6-тур беллашувлари 23 апрель, шанба
«Машъал» — «Нефтчи» 1:2
Голлар: Мирзоҳид Ғофуров, 2 (1:0). Мурод Бобожонов, 25 (1:1). Мурод Бобожонов, 60 (1:2).«Обод» — «Бунёдкор» 0:4
Голлар: Достон Ҳамдамов, 34-пен (0:1). Акмал Шораҳмедов, 38 (0:2). Элдор Шомуродов, 42 (0:3). Элдор Шомуродов, 75 (0:4).«Андижон» — «Сўғдиёна» 3:0
Голлар: Неманя Йованович, 42-пен (1:0). Неманя Йованович, 47 (2:0). Анвар Бердиев, 59 (3:0).Четлатиш: Акмал Холмуродов, 50 (С).24 апрель, якшанба«Қўқон—1912» — «Қизилқум»«Олмалиқ» — «Навбаҳор»«Шўртан» — «Локомотив»«Бухоро» — «Насаф»
25 апрель, душанба«Пахтакор» — «Металлург»
Изоҳ (0)