ОАВ: Терговчилар Mossack Fonseca офисидаги тинтувлар чоғида йўқ қилинган ҳужжатлар қолдиқларига дуч келди

Панамалик терговчилар 22 апрель, жума куни Mossack Fonseca юридик компанияси офисида ўтказилган тинтувлар чоғида кўплаб йўқ қилинган ҳужжатлар қолдиқларига дуч келди. Бу ҳақда «ТАСС» хабар бермоқда.

«Биз бинода топилган катта ҳажмдаги далилларни мусодара этдик. Улар орасида шредерда майдаланган ҳужжатлар кўп эди», — дея таъкидлаган уюшган жиноятчилик бўйича терговчи Хавье Карабалло.

Ўз навбатида, Mossack Fonseca қоғозда бўлган ҳужжатлар қайта ишлаш учун йўқ қилингани таъкидланган баёнотни тарқатди. Компаниянинг билдиришича, барча манбалар электрон ҳужжат тариқасида сақланади ва терговчилар ўтган галги тинтувлар чоғида уларнинг нусхаларини олган.