Panamalik tergovchilar 22-aprel, juma kuni Mossack Fonseca yuridik kompaniyasi ofisida o‘tkazilgan tintuvlar chog‘ida ko‘plab yo‘q qilingan hujjatlar qoldiqlariga duch keldi. Bu haqda “TASS” xabar bermoqda.
“Biz binoda topilgan katta hajmdagi dalillarni musodara etdik. Ular orasida shrederda maydalangan hujjatlar ko‘p edi”, — deya ta’kidlagan uyushgan jinoyatchilik bo‘yicha tergovchi Xavye Karaballo.
O‘z navbatida, Mossack Fonseca qog‘ozda bo‘lgan hujjatlar qayta ishlash uchun yo‘q qilingani ta’kidlangan bayonotni tarqatdi. Kompaniyaning bildirishicha, barcha manbalar elektron hujjat tariqasida saqlanadi va tergovchilar o‘tgan galgi tintuvlar chog‘ida ularning nusxalarini olgan.
Izoh (0)