23 апрель, шанба куни 2011 йил 25 апрелда имзоланган Эрон Ислом Республикаси, Уммон султонлиги, Туркманистон ва Ўзбекистон Республикаси ҳукуматлари ўртасидаги халқаро транспорт ва транзит йўлагини яратиш тўғрисидаги битим (Ашхобод битими) кучга кирди. Бу ҳақда Ўзбекистон Республикаси Ташқи ишлар вазирлиги матбуот хизмати хабар бермоқда.
Ҳужжат Марказий Осиё мамлакатлари, Форс кўрфази ҳамда Уммон денгизи портлари ўртасида товарларни узлуксиз ташиш ва транзит учун ишончли транспорт йўлагини яратишга йўналтирилган.
Битим транспорт харажатларини оптималлаштириш мақсадида юкларни ташиш тезлигини ошириш, шунингдек, расмий ҳужжатлар ва тартиб-қоидаларни осонлаштириш ва уйғунлаштиришга имкон яратади.
Изоҳ (0)