Футбол бўйича Германия Бундеслигасининг 31-турига келиб чемпион жамоа номи аниқ бўлиши мумкин эди. Бунинг учун пешқадам «Бавария» 3 очкони қўлга киритиши, Дортмунднинг «Боруссия» клуби эса имкониятни бой бериши керак эди.
31-турда чемпионлик учун кураш олиб бораётган ҳар икки клуб ҳам муваффақиятли тўп сурди. «Бавария» Чемпионлар Лигаси йўлланмаси учун кураш олиб бораётган «Герта»ни мағлуб этган бўлса, дортмундликлар «Штутгарт» майдонида йирик ғалабага эришди.
Германия чемпиони номи катта эҳтимол билан 30 апрель куни маълум бўлади. Бунинг учун «Бавария» Мюнхенгладбахнинг «Боруссия» клубини мағлуб эца кифоя.
31-турнинг энг қизиқарли ўйини «Шальке» — «Байер» ўртасида бўлиб ўтди. Учрашув дебютида мезбонлар етакчиси Хунтелар пенальтидан фойдалана олмаган бўлсада, кейинги дақиқаларда жамоадошлари 2 та гол уришга муваффақ бўлди. Бироқ «Шальке» ҳисобни сақлаб қола олмади. Иккинчи таймдаги олти дақиқа ичида 3 та гол урган «Байер» ғалабани илиб кетди.
31-турдан кейин «Байер» 54 очко билан турнир жадвалида учинчи бўлиб турибди. Унинг таъқибчиси «Герта» 49 очкога эга.
Қайд этиш керак, Бундеслига 31-турида уч нафар япониялик футболчи тўп киритишга муваффақ бўлди. «Ганновер» сафида Сакаи ҳамда Киётаке, «Боруссия Дортмунд» сафида Кагава ўз ҳисобига гол ёзиб қўйди.
Маълумот учун, Германия Бундеслигасида 9 нафар япониялик, 5 нафар жанубий кореялик футболчи тўп суради.
Германия Бундеслигаси 31-тур беллашувлари 22 апрель, жума
«Гамбург» — «Вердер» 2:1
Голлар: Пьер-Мишель Ласогга, 5 (1:0). Пьер-Мишель Ласогга, 32 (2:0). Энтони Уджа, 65 (2:1).Ноаниқ пенальти: Клаудио Писарро, 57 (V).23 апрель, шанба
«Вольфсбург» — «Аугсбург» 0:2
Голлар: Альфред Финнбогасон, 1 (0:1). Ҳалил Олтинтўп, 57 (0:2).«Герта» — «Бавария» 0:2
Голлар: Артуро Видаль, 48 (0:1). Дуглас Коста, 79 (0:2).«Бавария»: Мануэль Нойер, Жошуа Киммих, Сердар Таски, Мехди Бенатиа, Марсио Рафинья (Давид Алаба, 57), Тьяго Алькантара, Артуро Видаль, Дуглас Коста, Марио Гётце, Томас Мюллер (Франк Рибери, 57), Роберт Левандовски (Хави Мартинес, 84).«Ингольштадт» — «Ганновер» 2:2
Голлар: Альфредо Моралес, 10 (1:0). Мориц Хартманн, 25 (2:0). Хироки Сакаи, 58 (2:1). Хироси Киётаке, 82 (2:2).Четлатиш: Роман Брегери, 20 (I).«Кёльн» — «Дармштадт» 4:1
Голлар: Антони Модест, 4 (1:0). Жером Гондорф, 12 (1:1). Антони Модест, 35 (2:1). Марсель Риссе, 52 (3:1). Марсель Риссе, 75 (4:1).«Штутгарт» — «Боруссия Дортмунд» 0:3
Голлар: Синдзи Кагава, 21 (0:1). Кристиан Пулишич, 45 (0:2). Генрих Мхитарян, 56 (0:3).«Боруссия Дортмунд»: Роман Бюрки, Эрик Дурм, Маттиас Гинтер, Сократис Папастатопулос, Лукаш Пишек, Юлиан Вайгль (Нури Шахин, 82), Кристиан Пулишич (Марсель Шмельцер, 76), Марко Ройс (Мориц Ляйтнер, 76), Синдзи Кагава, Генрих Мхитарян, Адриан Рамос.«Шальке» — «Байер» 2:3
Голлар: Эрик Шупо-Мотинг, 14 (1:0). Лерой Зане, 29 (2:0). Юлиан Брандт, 54 (2:1). Карим Беллараби, 56 (2:2). Хавьер Эрнандес, 60 (2:3).Ноаниқ пенальти: Клас-Ян Хунтелар, 5 (Ш).24 апрель, якшанба«Боруссия Мюнхенгладбах» — «Хоффенхайм»«Айнтрахт» — «Майнц»
Изоҳ (0)