Apple Хитойда ҳукумат талаби билан киносервис ва китоб дўконини ёпди

Хитойда Apple’нинг iBooks Store ва iTunes Movies сервислари ёпилди, дея хабар бермоқда Meduza. Қарор 2016 йил мартда кучга кирган интернетга контент жойлаштиришнинг янги қоидалари билан боғлиқ.

The New York Times манбаларига кўра, сервисларни Apple компаниясининг ўзи блоклаб қўйган, унга матбуот, китоб нашриёти, радио, кино ва телевидение ишлари бўйича Хитой давлат маъмурияти мурожаат қилган.

Бошқа технологик компаниялар чекловларга дуч келган бўлса-да, Apple шу вақтгача Хитойда блокировкадан қутулиб қолишга муваффақ бўлган эди.