Футбол бўйича Италия А сериясининг 34-тур беллашувлари «Наполи» — «Болонья» ўйини билан старт олди. Мамлакат чемпионлигидан умидини узиб улгурмаган Неапол клуби унда 6:0 ҳисобида зафар қучди.
Беллашувдаги дастлабки икки гол Маноло Габбядини томонидан урилди. Шу тариқа ҳужумчи мавсумдаги голлари сонини 5 тага етказиб олди. «Болонья»га қарши ўйинда хет-трик қайд этган Дрис Мертенс ҳисобида ҳам эндиликда 5 та гол бор. Сўнгги гол муаллифи Давид Лопес эса учрашувда мавсумдаги дебют голини уришга эришди.
Мазкур ғалабадан кейин «Наполи» очколари сонини 73 тага етказиб олди. Бугун, 20 апрель куни «Лацио»га қарши майдонга тушадиган пешқадам «Ювентус» ҳисобида 79 очко жамғарилган.
Шунингдек, урилган 6 гол «Наполи»га мавсум давомида энг кўп гол урган жамоага айланиб олиш имконини берди. Пешқадам «Ювентус» А сериянинг жорий мавсумида 62 та гол урган бўлса, «Рома»да бу кўрсаткич 70 тани, «Наполи»да эса 72 тани ташкил этмоқда.
«‘Лациў устидан қозонилажак ғалаба кетма-кет бешинчи скудетто учун сўнгги қадам бўлиши мумкин», деб таъкидлаб ўтган «Ювентус» бош мураббийи Массимилиано Аллегри. «Чемпионат»даги интервьюда мутахассис «Ювентус» жорий мавсум ҳисобидан ҳали ҳеч нарса ютиб улгурмагани ва кетма-кет бешинчи чемпионлик ажойиб натижа эканлигига урғу берган.
Қайд этиш керак, «Ювентус» 20 апрель куни «Лацио»ни мағлуб этганида ҳам чемпионлик масаласи тўлиқ ҳал этилмайди ва «Наполи» назарий жиҳатдан Турин клубига етиб олиш имкониятини сақлаб қолади.
Италия А серияси 24-тур беллашуви 29 апрель, сешанба
«Наполи» — «Болонья» 6:0
Голлар: Маноло Габбьядини, 10 (1:0). Маноло Габбьядини, 35-пен (2:0). Дрис Мертенс, 58 (3:0). Дрис Мертенс, 80 (4:0). Дрис Мертенс, 88 (5:0). Давид Лопес, 90 (6:0).20 апрель, чоршанба«Сассуоло» — «Сампдория»«Женоа» — «Интер»«Кьево» — «Фрозиноне»«Палермо» — «Аталанта»«Рома» — «Торино»«Удинезе» — «Фиорентина»«Эмполи» — «Верона»«Ювентус» — «Лацио»
21 апрель, пайшанба«Милан» — «Карпи»
Изоҳ (0)