Facebook’даги «Водители Ташкента» гуруҳида пойтахт йўлларидан бирини тутунга тўлдириб кетаётган тўй кортежи тасвирланган фотолар пайдо бўлди.
«Арча кўча. Тўй. Йўл четдаги 4 ва 5-қатордан ташқари тўлиқ эгалланган. Тутун ҳосил қиладиган воситалар. Съёмка. Карнай-сурнай. Тиқинда туриб қолган ҳайдовчилардан ташқари ҳамма хурсанд», — дея маълум қилган мазкур фотолавҳалар муаллифи.
Ушбу суратларга кўплаб изоҳлар қолдирилган. Фойдаланувчиларнинг аксарият қисми тўй кортежлари бошқа автомобилларнинг ҳаракатланишига тез-тез халақит беришидан шикоят қилган. Улардан бири «Уч кун аввал тўй кортежини тасвирга олиб кетаётган оператор бўлган машина тўғри рўпарамдан чиқиб келди. Ўнг томонга ўтиб, зўрға чап беришга улгурдим», деб ҳикоя қилган.
Яна бири эса «бизда кортеж автоҳалокатга олиб келувчи вазиятни келтириб чиқармаслик учун атайин бўлинди. Аввал ҳеч ким йўқ йўлда уч дақиқача қатор кетаётган машиналар тасвирга туширилди, кейин эса бўлиндик, булар бўлса... Тутуннинг нима кераги бор? Нима, янги махсус эффектми?» дея ўз таажжубини билдирган.
Изоҳ (0)