Tesla компанияси нархи 35 минг доллардан бошланадиган Model 3 электромобилини тақдим этди, деб ёзади Meduza. Илк буюртмаларни компания қабул қилишни бошлаб юборди, харидорларга машиналар 2017 йил охирида етказиб берила бошлайди.
Таянч конфигурациядаги Tesla Моdel 3 тахминан олти сония ичида соатига юз километргача тезлик олади ва қуввати эса 300 км масофа учун етарли бўлади. Автомобилнинг қимматроқ версиялари тезроқ юради.
Моdel 3’ни аллақачон 115 мингдан зиёд киши буюртма қилган. Tesla’нинг бошқа моделлари каби, Моdel 3’ни ҳам компаниянинг махсус станцияларида бепул қувватлантириб олиш мумкин. Уларнинг сонини 2017 йил охиригача 7,5 мингтага етказиш режалаштирилмоқда.
Изоҳ (0)