Apple компанияси махсус тадбир доирасида янги iPhone ва iPad’ни тақдим этиши билан янги гаджетлар билан бевосита танишиш имконияти туғилди. Шу муносабат билан The Verge нашри уларнинг илк «жонли» фотосуратларини эълон қилди, деб хабар беради «Hi-Tech Mail.ru».
Эслатиб ўтамиз, 21 март, душанба куни Apple корпорацияси 4 дюймли экранга эга iPhone SE смартфонини тақдим этди. Бу компаниянинг iPhone 5s чиққанидан буён биринчи 4 дюймли смартфонидир. Шунингдек, махсус маросимда iPad Pro планшетининг 9,7 дюймли версияси тақдим этилди.
Тақдимот иштирокчилари янги гаджетларни дарҳол қўлга олиб, эски муқобиллари билан қиёслаб кўриш имкониятига эга бўлди.
iPhone SE смартфони 4 дюймли оммабоп iPhone 5s моделининг давоми бўлиб, дизайн ва ихчам ҳажмини сақлаб қолди. Ускунанинг ички тузилиши iPhone 6s’дан олинди.
iPad Pro планшети 12,9 дюймли версиянинг барча устунликларини сақлаб қолди, шу жумладан, ички тузилишини ҳам.
Apple’нинг янги ускуналари жиддий баҳс-мунозараларга сабаб бўлди, ҳатто компания акциялари курсининг кескин тушиб кетиши кузатилди.
Изоҳ (0)