Бугун,

  • USD 11014.01
  • RUB 191.8
  • EUR 10674.78

«Марсел» футболчиси Мате Валбуэнага нисбатан товламачилик ишида айбдорлардан бири деб тахмин қилинган «Реал Мадрид» ҳужумчиси Карим Бензема наркотиклар савдоси ва пул ювишда гумон қилинмоқда. Бу ҳақда, Франциянинг Liberation нашрига асосланиб, «ТАСС» хабар бермоқда.

Фото: Liberation

Фото: Liberation

Нашрнинг ёзишича, Франция божхона хизмати футболчининг гиёҳванд моддалар савдоси билан шуғулланувчилар билан алоқаларига қизиқиб қолган. Суриштирув ишлари натижасида Бензема ва унинг атрофидаги бир қатор кишилар гиёҳванд моддалар савдосига алоқадорлиги, шунингдек, Эвент БҲ компаниясининг фаолияти шубҳали эканлигини аниқланган. Манбанинг таъкидлашича, асосий акционери Карим Бензема бўлган бу компания пул ювиш билан шуғулланади.

Эслатиб ўтамиз, Бензема Валбуэнадан унинг ишқий муносабатлари тасвирланган шахсий видеоёзувни ошкор этмаслик учун пул талаб қилганликда айбланиб, судда кўрсатма берган. Франция футбол федерацияси Валбуэнани шантаж қилиш иши юзасидан 2015 йилнинг декабрида Бенземани терма жамоадан вақтинча четлаштирганди.

Карим Бензема 2009 йилдан буён Мадриднинг «Реал» клуби шарафини ҳимоя қилади. У жорий мавсум турли мусобақалар доирасида 25 та ўйинда майдонга тушиб, 23 та гол уришга муваффақ бўлди.

Изоҳ
Асосий янгиликлар