Telegram — бугунги кунда смартфонга ўрнатилиши шарт бўлган мобил дастурдир. Вазият шу даражадаки, мобил қурилмага Telegram’дан бошқа дастурни ўрнатишнинг ҳожати ҳам йўқ: унда барча алоқалар рўйхати бор — танишларингга хоҳла матнли, хоҳла овозли хабар йўлла; видеолар ва фотосуратларни истаганча юбориб, истаганча қабул қил; янгилик каналларига обуна бўлиб, сўнгги воқеа-ҳодисалардан хабардор бўл; ботлар билан ўйин ўйна. Ёки уй сотиб ол.
Ҳа, Telegram’дан фойдаланган ҳолда уй сотиб олиш ёки квартира ижарага олиш ҳам мумкин. «Uybor.uz»нинг ақлли @uybor_bot боти бу масалада тенги йўқ ёрдамчига айланади. Биз аввалроқ бу бот ҳақида ёзгандик. Чақалоқ вақт ўтгани сайин янги билимларни ўзлаштириб, дунёни таниб боргани сари, @uybor_bot ҳам замон билан ҳамнафас бўлиб, янада ақлли ва мукаммал кўриниш олмоқда.
Дастлаб у фақат рус тилида гаплашарди. Лекин Сиз Telegram’да асосан ўзбек тилида мулоқот қилишингизни кўриб, энди ўзбек тилида ҳам эълонларни юбора оладиган бўлди. Агар Сиз «Uybor.uz»нинг ботидан биринчи марта фойдаланаётган бўлсангиз, у рус тилида мурожаат қилади — «Настройки» («Созлаш») бўлимига ўтиб, ботни ўзбек тилида гапирадиган қилиш мумкин.
Ҳа-я, @uybor_bot энди ишга тушган вақтда унда «Созлаш» бўлими йўқ эди. Мазкур бўлимда нафақат бот тилини ўзгартириш, балки Сизга биттада юбориладиган эълонлар сонини 20 тагача кўпайтириш, эълонларни веб кўринишли қилиш, шунингдек, обунани бекор қилиш мумкин. Обуна — @uybor_bot’нинг янги версиясидаги энг фойдали янги имкониятлардан биридир.
Дейлик, Сиз Юнусобод туманидан бир ойлик ижара нархи 150 шартли бирлик бўлган бир хонали хонадонни ижарага олмоқчисиз. «Ижара» бўлимига кириб, нарх оралиғи, зарур туман, хона сони бўйича керакли сўровларни киритиб, «Кўрсатиш»ни босдингиз ва Сизга «Uybor.uz» сайтидаги бешта мос эълон кўрсатилди. «Кейинги эълонлар» тугмасини босиб, яна бешта эълонни кўрдингиз.
Баъзан шунақаси ҳам бўлади: кетма-кет 30 та эълонни кўриб чиқасиз, ҳатто эълон берувчиларнинг уч-тўрт нафари билан телефонлашасиз ҳам, лекин ҳеч бири маъқул келмайди. Энди: «Орадан бир-икки кун ўтиб янги эълонлар қўшилар, ўшанда яна излаб кўраман», — деб ўйлаш шарт эмас, шунчаки «Кейинги эълонлар»нинг остидаги «Обуна» тугмасини босиб қўйсангиз кифоя — «Uybor.uz» сайтига сўровларингизга мос эълон қўшилиши билан бот уни Сизга етказади.
Квартира ижарага олиш ёки уй сотиб олиш — Telegram’даги @uybor_bot таклиф қилаётган кенг имкониятлардан бири, холос. Мазкур бот Telegram’дан чиқмасдан туриб янги офис топиш, уни ижара ёки сотилиш нархлари билан танишиш, шинам ва кенг ҳовлиларнинг нархи қандай бўлаётгани ҳақида бохабар бўлиш, мақбул эълонни яқинлар билан бўлишиш имконини ҳам тақдим этади.
Истиқомат ва иш учун замонавий ва муҳташам уй ва офисларни «Uybor.uz» билан бирга, илғор ва ақлли технологиялардан фойдаланган ҳолда изланг!
Реклама ҳуқуқи асосида
Изоҳ (0)