Американинг Apple корпорацияси раҳбарияти iPhone смартфонларидаги маълумотларни шифрлашга доир масалаларни суд эмас, АҚШ Конгресси ҳал этиши лозим деб ҳисоблайди. Бу ҳақда компания вакиллари журналистларга маълум қилди, деб хабар беради «ТАСС».
Улар суд томонидан 16 февраль, сешанба куни чиқарилган қарордан шокка тушганлигини маълум қилди. Қарор ҳукуматга компаниянинг қурилмаларида сақланувчи ва парол билан ҳимоя қилинган маълумотларни қўлга киритиш имконини берувчи дастурий таъминотни ФҚБга беришни назарда тутган.
Apple вакилларининг сўзларига қараганда, Вашингтоннинг ушбу позицияси АҚШда мавжуд фуқароларнинг эркинлиги ва шахсий маълумотларнинг дахлсизлигига мос келмайди.
Эслатиб ўтамиз, АҚШ суди Apple корпорациясига Федерал қидирув бюроси ва Адлия вазирлигининг «Сан-Бернардино мергани» дея ном олган террорчи Саид Фаруқга тегишли iPhone 5c телефонини бузиш юзасидан сўровига жавоб бериш учун қўшимча уч кун муҳлат берди.
Изоҳ (0)