Apple iPhone ma’lumotlarini shifrlash masalasini AQSh Kongressi hal qilishi lozimligini ma’lum qildi

Amerikaning Apple korporatsiyasi rahbariyati iPhone smartfonlaridagi ma’lumotlarni shifrlashga doir masalalarni sud emas, AQSh Kongressi hal etishi lozim deb hisoblaydi. Bu haqda kompaniya vakillari jurnalistlarga ma’lum qildi, deb xabar beradi “TASS”.

Ular sud tomonidan 16-fevral, seshanba kuni chiqarilgan qarordan shokka tushganligini ma’lum qildi. Qaror hukumatga kompaniyaning qurilmalarida saqlanuvchi va parol bilan himoya qilingan ma’lumotlarni qo‘lga kiritish imkonini beruvchi dasturiy ta’minotni FQBga berishni nazarda tutgan.

Apple vakillarining so‘zlariga qaraganda, Vashingtonning ushbu pozitsiyasi AQShda mavjud fuqarolarning erkinligi va shaxsiy ma’lumotlarning daxlsizligiga mos kelmaydi.

Eslatib o‘tamiz, AQSh sudi Apple korporatsiyasiga Federal qidiruv byurosi va Adliya vazirligining “San-Bernardino mergani” deya nom olgan terrorchi Said Faruqga tegishli iPhone 5c telefonini buzish yuzasidan so‘roviga javob berish uchun qo‘shimcha uch kun muhlat berdi.