Анқаранинг Сурия низоларидаги иштироки Туркия ва Россия ўртасида «уруш хавфи»ни келтириб чиқармоқда. Бу ҳақда Франция президенти Франсуа Олланд айтиб ўтди, деб ёзади «Ведомости».
«Туркия Суриядаги воқеаларга аралашиб қолган… У ерда уруш хавфи бор», — деди Олланд. У бу бевосита эмас, «эҳтимол, билвосита уруш» бўлишини истисно қилмади.
«Турклар ўзлари бўлиши керак бўлмаган жойда бўлмаслиги керак, руслар эса террорчиликка қарши кураш баҳонаси остида Башар Асад режимини қўллаб-қувватламаслиги керак», — деди Олланд. Унинг фикрича, Россия бир томонлама тартибда Асадни қўллаб-қувватлашда давом этса, вазиятни бошқара олмай қолади.
У Путинга сиёсий ўтиш жараёнига эришиш учун бирга ҳаракат қилиш заруратини айтиш мақсадида Москвага шахсан ўзи борганини таъкидлади. Худди шу мақсадда у Москвага босим ўтказишга чақирди.
«Музокаралар қайта бошланиши, бомбардимонлар тўхташи керак, ёрдам келиши керак», — дея Суриядаги вазиятни тартибга солиш жараёнини таърифлади Олланд. Сурия мухолифати билан музокаралар 25 февралгача тўхтатиб қўйилган эди.
Изоҳ (0)