Эрон Теҳрондаги музокаралар чоғида нефть қазиб олиш ҳажмини музлатишга рози бўлди

Эрон нефть қазиб чиқариш ҳажмини музлатишга рози бўлди. Бу ҳақда Теҳрондаги музокараларга яқин манбага таяниб, «Газета.ru» хабар бермоқда.

«Эрон билдирилган таклифга розилик билдирди. Доҳадаги учрашув қарори маълум қилинди, Эрон буни маъқуллади», — дея таъкидлаган манба.

16 февраль, сешанба куни Доҳада бўлиб ўтган учрашувда Россия, Саудия Арабистони, Қатар ва Венесуэла, бошқа ишлаб чиқарувчилар ҳам буни қўллаган тақдирда, 2016 йили нефть қазиб чиқаришни январь ойи ҳажми даражасида сақлаб қолишга келишиб олди. Бирлашган Араб амирликлари ҳам бунга тайёрлигини билдирди, ундан олдинроқ эса Нигерия, Жазоир, Уммон ва Эквадор келишувни маъқуллаган.