Бугун,

  • USD 11095.31
  • RUB 173.84
  • EUR 10772.44

Ucell компанияси Россиянинг AIVAMobile оператори билан ҳамкорликда Ўзбекистон учун уникал бўлган янги «Чегарасиз мулоқотлар» хизмати ишга туширилганини эълон қилди.

Фото: Ucell

Фото: Ucell

Ucell абонентлари Ўзбекистон ҳудудида мобил алоқа хизматидан қулай, ҳамёнбоп тарифлар асосида фойдаланади. Бироқ абонент мамлакатдан ташқарига чиқиши билан телефон суҳбатлари сезиларли қимматлашади, бир неча SIM-картадан фойдаланиш жараёни ҳам етарлича ноқулай.

Ўзбекистонликларнинг кундалик фаолиятини енгиллаштиришга қаратилган коммуникацион ечимларни ишлаб чиқиш натижаси ўлароқ, Ucell 17 февралдан эътиборан ўзининг барча офисларида «Чегарасиз мулоқотлар» янги хизматини тақдим этди.

Мазкур сервиснинг қулайлиги шундаки, Россияга йўл олаётган ўзбекистонликлар энди бир неча SIM-карта сотиб олиш ва харажатларни қисқартириш учун Россия операторлари билан турли шартномалар имзолаш каби оворагарчиликлардан халос бўлади.

«Россияга сафар қилишни режалаштираётган Ucell абонентлари Ўзбекистондан ташқарида ҳам фойдали тариф бўйича мунтазам алоқани сақлаб қолиш масаласини олдиндан ҳал қилиши мумкин. Бунинг учун абонент Ucell офисларидан бирида 1,5 доллар эвазига ‘Чегарасиз мулоқотлар’ тарифига уланиш ва икки рақам фаол бўлган SIM-картани олиши керак», — деди Ucell’нинг истеъмолчилар сегменти директори Агшин Гажиев.

Ucell абоненти Россияга келиши билан ўз телефонида AIVAMobile’ни танлаш ҳақидаги SMS-билдиришнома олади ва AIVAMobile’нинг «Меҳмондўст» тариф режаси асосида суҳбатлашиш имконига эга бўлади.

Телефонида қисқа USSD-буйруқни териш орқали, абонент қаерда эканлигига қараб, AIVAMobile’нинг Москва ёки Санкт-Петербург учун мўлжалланган телефон рақами соҳибига айланади. Абонентнинг Ucell’даги рақами сақланиб қолади ва мижоз Ўзбекистонга қайтганидан сўнг, эски рақамидан бемалол фойдаланиши мумкин бўлади.

«Абонентларимизга қулай ва фойдали мобил ечимларни таклиф қилиш имконини берадиган ҳар қандай ҳамкорликни маъқуллаймиз. AIVAMobile билан ҳамкорликда тақдим этилаётган ‘Чегарасиз мулоқотлар’ хизмати ёрдамида мижозларимиз осонлик билан, SIM-картани алмаштирмасдан Ўзбекистон ва Россиядаги қариндошлари ва яқинлари билан алоқада қолишлари мумкин», — дея қайд этди Ucell бош директори Тону Грюнберг.

AIVAMobile’нинг «Меҳмондўст» тарифи Ўзбекистонга қўнғироқлар, Россия ичидаги қўнғироқлар учун қулай нархларни таклиф қилади, шунингдек, мобил интернет ва SMS’лар учун арзон нархларни назарда тутади. «Меҳмондўст» тариф режасида AIVAMobile рақамига чиқиш қўнғироғининг биринчи дақиқаси қиймати 1 рубль, иккинчи дақиқадан бошлаб 0 рублга тенг. Ўзбекистонга чиқиш қўнғироқлари 2,90 рубль, Россиянинг бошқа ҳар қандай рақамларига чиқиш қўнғироқларининг биринчи дақиқаси 2,5 рубль. AIVAMobile тармоғи ичида кириш қўнғироқлари — бепул. Кунлик абонент тўлови — 0 рубль.

«Ўзбекистон биз учун муҳим бозор ва бугунги хизматнинг ишга туширилиши AIVAMobile’нинг МВНО-тармоғини ривожлантириш йўлидаги муҳим воқеадир. Ucell’нинг ‘Чегарасиз мулоқотлар’ хизмати Россия ҳудудида ўз қамровига (Москва шаҳри ва Москва вилояти, Санкт-Петербург шаҳри ва Ленинград вилоятида) эга, бу эса абонентга куну-тун ўз яқинлари билан алоқада бўлиш имконини беради. Тожикистон ва Финляндиядан сўнг, Ўзбекистон AIVAMobile хизматларидан фойдаланиш мумкин бўлган учинчи мамлакатга айланди. Мижозлар фойдаси йўлидаги профессионал ва ишончли ҳамкорлик муносабатлари учун маҳаллий ҳамкор — Ucell компаниясига миннатдорчилик билдирамиз», — деди AIVAMobile савдо белгиси остида хизмат кўрсатувчи «Межрегионалний ТранзитТелеком» (МТТ) компаниясининг Мобил бизнес департаменти директори Павел Великанов.

Реклама ҳуқуқи асосида

Изоҳ
Асосий янгиликлар
Дунё
Грета Тунберг тўртинчи бор тинчлик бўйича Нобел мукофотига номзод бўлди
Маҳаллий
Тошкент шаҳар Ободонлаштириш бош бошқармасига янги раҳбар тайинланди
Дунё
Совуқ урушни расман якунлаган Буш ва Ельцин, Францияга қочиб кетган машҳур режиссёр — Роман Полански ва “Буюк голланд тошқини”. Кун хронологиясида 1 февраль