Найробидаги (Кения) казинолардан бирининг ташриф буюрувчиси унда мағлуб бўлганидан аччиқланиб, ўйин залидаги икки ходимни ўлдирди. Қотилни эса омма жазолади, деб хабар беради Le Figaro.
Найроби полицияси вакилининг сўзларига қараганда, 9 февралга ўтар кечаси шаҳар казиноларидан бирига ташриф буюрган одам 30 минг Кения шиллингини (300 долларга яқин) ютқазиб қўйган. Кениялик пулларини қайтариб олиш мақсадида муассасадан насияга пул талаб қилган. Рад жавобини олгандан сўнг эса ўйин залини тарк этган.
Бироз вақтдан сўнг, эркак қилич билан қуролланиб казинога қайтиб келган. У насияга пул беришни рад қилган директорга ташланиб, уни қилич билан чопиб ташлаган. Қўриқчи унинг иккинчи қурбонига айланган. Шундан кейин қотил қочиб кетиб яширинишга уринган.
Ўйин залида бўлган бошқа ўйинчилар унинг орқасидан қувиб, жиноятчини тошбўрон қилган.
«Воқеа жойига етиб келган полиция жиноятчининг ўлганлигини аниқлади», — деб қўшимча қилди полиция вакили.