Америкалик олимлар организмни эскираётган ҳужайралардан халос этиш саломатликни яхшилаши ва умр давомийлигини 35 фоизга ошириш имконини беришини намойиш этди. Ушбу тажриба ҳақида Nature хабар бермоқда.
Иммун тизимига ёрдам бериш учун Meyo клиникаси тадқиқотчилари тажриба сичқонлари организмидаги қариётган ҳужайраларни AP20187 препарати ёрдамида йўқ қилди. Орадан ярим йил ўтгач, бу сичқонлар назоратдаги бошқа жониворларга қараганда анча соғлом эканлиги маълум бўлди.
Уларнинг буйраклари яхшироқ ишлар, юраги эса босимларга бардошлироқ эди. Даволаниш ҳатто уларнинг ўзини тутишида ҳам ўз аксини топди: сичқонлар қувноқроқ ва шижоатлироқ бўлиб қолди. Бироқ ҳаммасидан кўра олимларни сичқонларнинг ўртача умр кўриш даражаси 17—35 фоизга ошгани ҳайратга солди.
Изоҳ (0)