Мадриднинг «Реал» клуби ҳужумчиси Криштиану Роналду Испания чемпионати доирасидаги «Эспаньол»га қарши ўйиндан сўнг, Марокашга бориб келди. Бу ҳақда «Sport.es» хабар бермоқда.
Криштиану Роналдунинг ҳар ҳафта Марокашга — кикбоксчи дўсти Бадр Ҳарининг олдига бориб келиши «Реал» бош мураббийи Зинедин Зидан ва клуб президенти Флорентино Пересга маъқул келмаган ва улар футболчидан бу каби саёҳатларни тўхтатишни сўраганди.
Бироқ, «Реал» «Эспаньол»ни 6:0 ҳисобида мағлуб этиб, футболчиларга душанба куни дам берилгани муносабати билан, Роналду якшанба оқшомида ўз шахсий самолётида яна Марокашдаги дўстининг олдига жўнаб кетган.