«АвтоВАЗ» 2015 йилнинг 25 сентябрь куни қайта туғилди гўё — компаниянинг Ижевскдаги заводи мутлақо янги, эски «Lada» ва «Жигули»ларга ўхшамас моделни сериялаб ишлаб чиқаришга киришди. 24 ноябрь куни савдога чиқарилган Lada Vesta олти кун ичида Россияда энг кўп сотилаётган автомобиллар рўйхатида 19-ўринга чиқиб олди. Савдоларнинг биринчи кунидаёқ мингта автомобиль сотиб бўлинди.
«АвтоВАЗ» франциялик ҳамкорлар билан биргаликда ишлаб чиққан Lada Vesta етарли даражада замонавий автомобиль. Ҳар бир автомобиль барқарорликни назорат қилиш тизими, ABS тормоз тизими, тепаликка кўтарилишда ёрдам тизими, хавфсизлик ёстиқчалари билан таъминланган. 7 дюймли дисплейи бор, Bluetooth, HandsFree билан таъминланган мультимедиа тизими, салон ичида кўрсатилган ҳароратни ўрнатувчи иқлим назорати, борт компьютери, мультимедиа ва круиз-контролни бошқариш тугмалари ўрнатилган рул ва бошқа қулайликлар ҳақида ортиқча гапирмаса ҳам бўлади.
Ҳозирча Lada Vesta битта — ҳажми 1,6 литр бўлган, қуввати 106 от кучига тенг двигатель билан ишлаб чиқарилмоқда — мазкур мотор беш босқичли механик ёки автомат узатмалар қутиси билан уйғунликда ишлайди. Кейинроқ, моделнинг двигателлар гаммасига Renault’нинг 114 от кучига эга 1,6 мотори ҳам қўшилиши кутилмоқда. Бундан ташқари, автомобилнинг сиқилган табиий газда ҳаракатланувчи модификациясини ишлаб чиқиш режалаштирилган.
Ижтимоий тармоқларда Ўзбекистон кўчаларида ҳаракатланаётган дастлабки Lada Vesta’ларнинг суратлари пайдо бўлганига кўп бўлмади. Автоҳаваскорларнинг Facebook’даги гуруҳларида қолдирилаётган фикрлардан харидорлар «АвтоВАЗ»нинг мутлақо янги маҳсулотига жиддий қизиқиш билдираётганини пайқаш мумкин. Аксарият кишилар уни Nexia, Cobalt ва Lacetti каби миллий автоларга рақобатчи сифатида ҳам кўрмоқда.
«Avtobor.uz» раҳбариятининг таъкидлашича, Lada Vesta модели сотилиши ҳақидаги эълон сайтга қўйилиши билан, у кўплаб фойдаланувчиларда қизиқиш уйғотди. Албатта, нарх жиҳатидан рақобатлаша оладиган мазкур модель сифати ва харид қилиш осонлигини таъминлаб бера олса, Ўзбекистон бозорида ўз ўрнига эга бўлади.
«АвтоВАЗ»нинг Ўзбекистондаги бош расмий дилери ҳисобланган Lada Uzbekistan компанияси маълумотларига кўра, Vesta февраль охири — март ойи бошларидан Ўзбекистонга расман етказиб берилиши кутилмоқда. «АвтоВАЗ» Lada Vesta’ни 12 комплектацияда ишлаб чиқармоқда, Ўзбекистондаги дилерга эса дастлаб Classic ва Comfort тоифасида олти комплектациядаги автомобиллар етказиб берилади. Кейинчалик Luxe моделларни ҳам олиб келиш режалаштирилган. Lada Uzbekistan сотадиган Vesta’ларнинг нархи 10,3 минг (Lada Vesta Classic) доллардан 11,6 минг (автомат узатмали Lada Vesta Comfort / Optima) долларгача фарқланади.
Lada Vesta’нинг Lada Uzbekistan’даги нархлари
| Автомобиль модификацияси | 5 босқичли механик узатмалар қутиси | 5 босқичли автомат узатмалар қутиси |
| Lada Vesta Classic | $10 300 | - |
| Lada Vesta Classic / Старт | - | $11 100 |
| Lada Vesta Comfort | $11 100 | $11 400 |
| Lada Vesta Comfort / Optima | $11 300 | $11 600 |
Бахтга қарши, Жанубий вокзалда турган моделлар сотилмайди — улар айнан автомобиль билан танишиш учун қўйилган. Агар буюртма берилса, Sardor-Avto Invest бир ойдан уч ойгача бўлган муддат ичида яп-янги Lada Vesta’ни Россиядан олиб келиб, харидорга топширади. Шу сабабли нархлар ҳам Lada Uzbekistan’никидан фарқ қилади — энг оддий Vesta 10,7 мингга баҳоланаётган бўлса, люкс моделнинг баҳоси 13,4 минггача боради.
Lada Vesta’нинг Sardor-Avto Invest’даги нархлари
| Автомобиль модификацияси | 5 босқичли механик узатмалар қутиси | 5 босқичли автомат узатмалар қутиси |
| Lada Vesta Classic | $10 700 | $11 600 |
| Lada Vesta Comfort | $11 950 | $12 400 |
| Lada Vesta Luxe | $12 500 | $13 000 |
| Lada Vesta Luxe | $12 900 | $13 400 |
Агар Сиз Lada’нинг янги моделини кутишни истамасангиз ва сизни фойдаланилган автомашина кўпроқ қизиқтирса, «Avtobor.uz»га мурожаат қилишни тавсия этамиз. Ушбу сайтда автомобиллар бўйича минглаб долзарб ва хилма-хил таклифлар орасида ўзингизга маъқулини танлаб, автомобиль харид қилишингиз ёки ижарага олишингиз мумкин.
Реклама ҳуқуқи асосида
Изоҳ (0)