Ҳиндистоннинг шимоли-ғарбий қисмидаги Ражастхан штатида 29 январь, жума куни ўқув машғулотлари давомида юз берган портлаш оқибатида бир киши ҳалок бўлди. Яна уч нафар чегарачи оғир яраланди. Бу ҳақда India TV телеканали маълумотига таяниб, «ТАСС» хабар беради.
Ҳодиса Ҳиндистон пойтахти Нью-Дели шаҳридан 310 километр масофадаги Кишангарх полигонида юз берди. Дастлабки маълумотларга кўра, чегарачилар машқларни бажариш чоғида снаряд портлаб кетган ўқув майдонида бўлган. Бир нафар аскар ҳодиса жойида ҳалок бўлган, уч нафари оғир жароҳатланган. Улар вертолётда қўшни Жодхпур шаҳрига етказилган.
Чегара кучлари қўмондонлиги ҳодиса юзасидан чуқур суриштирув ўтказишга ва ўқув отишмалари хавфсизлигини ошириш бўйича бир қатор чоралар қабул қилиш ҳақида буйруқ берди.
Изоҳ (0)