Европа комиссияси Apple’га нисбатан 8 миллиард доллар жарима қўллаши мумкин

Европа комиссияси Apple солиқ сиёсати юзасидан текширув олиб бормоқда. Унинг якунлари бўйича компанияга 8 миллиард доллар миқдорида жарима қўлланиши мумкин, дея хабар беради «Газета.ru».

Apple АҚШдан ташқарида олаётган даромадларидан солиқ тўлашдан қочиш учун Ирландиядаги шўъба корхоналаридан фойдаланишда гумон қилинмоқда. Bloomberg маълумотларига кўра, Apple айни пайтда 1,8 % ставкаси бўйича солиқ тўламоқда. Агар Еврокомиссия компания учун солиқ тартибини қаттиқлаштириш тўғрисида қарор қилса, Apple 2004—2012 йилларда олган 64,1 миллиард доллар миқдоридаги даромадга 12,5 фоизли ставка қўлланилади.