Роналду ва Месси. 2015 йил сарҳисоби

Роналду ва Месси қарама-қаршилиги 8 йилдирки тўхтамаяпти. «Sports.uz» сайти ҳар иккала футболчининг 2015 йилдаги натижаларини солиштириб чиқди.

Голсиз ўйинлар:

• Роналду: 27 (47 фоиз)
• Месси: 26 (42 фоиз)

Криштиану 2015 йилда ўтказган 57 учрашувининг 27 тасида майдонни голсиз тарк этган. Бундан кўриниб турибдики, Роналду ўйинларининг деярли ярмида гол ура олмаган. Лионель 26 ўйинда рақиб посбонларини ранжита олмаган. Аргентиналик йил давомида 61 та учрашув ўтказганини ҳам айтиб ўтиш лозим.

Битта гол урилган ўйинлар:

• Роналду: 16
• Месси: 21

Бир учрашувда битта гол уриш бўйича Лео олдинда. Месси 21, Роналду эса 16 учрашувда дарвозаларга биттадан гол уришга муваффақ бўлган.

Дубль:

• Роналду: 6
• Месси: 11

«Барселона» ҳужумчиси Лео Месси «дубль» киритишда ҳам яққол етакчилик қилмоқда. У асосий рақобатчисидан деярли икки баробар олдинда.

Хет-трик:

• Роналду: 5
• Месси: 3

«Хет-трик»лар бўйича эса Роналду устун. Криштиану йил давомида 5 марта, Лео эса уч бора бир ўйинда учта гол урган.

Покер:

• Роналду: 1
• Месси: 0

Роналду Чемпионлар Лигасида «Мальмё»га қарши баҳсда рақиб посбонини 4 бора ранжитган ҳолда, «покер»га эришди. Месси эса бу борада мақтана олмайди.

Пента-трик:

• Роналду: 2
• Месси: 0

Лео 2015 йили «пента-трик» қайд эта олмади. Роналду эса икки бора бир учрашувда 5 та гол уришга эришди. Португалиялик Испания чемпионатида уйда «Гранада» ва сафарда «Эспаньол» дарвозасига бештадан тўп киритган.

Умумий голлар:

• Роналду: 57 ўйин – 57 гол
• Месси: 61 ўйин – 52 гол

2015 йилда Роналду Мессига қараганда кўпроқ гол урди. Криштиану Португалия термасида 3 ва «Реал» клубида 54 та голни ўз ҳисобига ёзидириб қўйди. Месси эса Аргентина термаси учун 4, «Барселона» жамоаси учун 48 та голга муаллифлик қилди.

Совринлар:

• Роналду: 0
• Месси: 5

Роналдунинг шунча голлари ҳам жамоасига бирорта совринни қўлга киритиш учун ёрдам бера олмади. Месси эса клуби билан биргаликда бешта мусобақада зафар қучди.

Хулоса

2015 йил индивидуал жиҳатдан Роналду, жамоавий ютуқлар борасида эса Месси учун омадли келди.

Эслатиб ўтамиз, 2015 йил якунлари бўйича Лионель Месси «Олтин тўп» мукофотини қўлга киритди.