Дарахтларда қурилган ғаройиб 16 уй

Ҳар биримиз болалагимизда ҳаммадан яшириниб олса ва ўз сирларимизни беркитиб қўйса бўладиган жойимиз, бирор чайламиз бўлишини истаганмиз, деб ёзади TravelAsk.

Баъзилар катта бўлганидан кейин ҳам шундай жойларда истиқомат қилишни хоҳлайди. Қуйида дарахтларга уй қуришнинг 16 ажойиб намунасини томоша қилишингиз мумкин.

«Уч ҳикоя» уйи (Канада)

Британия Колумбиясидаги баланд дарахтда бир эмас, бирданига учта уй қурилган. Бу уйларни Ревелсток шаҳри яқинидан топасиз.

Кўзгу-уй (Швеция)

Қарийб кўринмайдиган ва яширин жой вазифасини ажойиб тарзда ўтайдиган Кўзгу-уй — Tree Hotel меҳмонхонасининг Швеция шимолидаги лойиҳасидир. Лойиҳа Tham & Videgard компанияси томонидан ишлаб чиқилган.

Дарахтдаги ин-уй (Швеция)

Бу уй ҳам Tree Hotel лойиҳасининг бир қисми. Ташқи томондан катта қушнинг инига ўхшаса, ичи одатий меҳмонхона хонасининг ўзи.

Дарахтдаги лофт (Уистлер, Канада)

26 ёшида нафақага чиққанидан сўнг, Жоэл Аллен дурадгорлик билан шуғулланди ва ўз орзусига етди — у қурган уй халқаро дизайн журналида ҳам эътироф этилган.

Мускок кўли бўйидаги дарахтга қурилган уй (Онтарио, Канада)

Лукаш Кос томонидан ишлаб чиқилган уй япон фонарини ёдга солади.

Вазир уйи (Кроссвилл, Теннесси, АҚШ)

Бу дарахтларда қурилган энг катта уйдир. Вазир Гораций Бержесс уй қуришни 1993 йилда бошлаган бўлиб, ҳали ҳам тугатмаган.

Yellow Treehouse ресторани (Окленд, Янги Зеландия)

Бу ресторан сизга ажойиб тушлик таклиф қилади ва бир вақтнинг ўзида 18 меҳмонни қабул қилишга қодир.

Сиэтлдаги дарахтга қурилган уй (АҚШ)

Сиэтлдаги эртакнамо уйлардан бири. Бу ерда сеҳрли муҳитга тушиш истагида бўлганлар учун олти хона бор.

Эркин руҳ сфераси (Канада)

Архитектор Такаши Кобаяшининг дарахтдаги уйи (Япония)

Дарахтдаги коттеж (Гент, Бельгия)

Бельгиядаги бу уй TRACK: A Contemporary City Conversion бадиий фестивали учун қурилган. У орқа фонда турган уйнинг кичиклаштирилган кўринишидир.

Қушлар ва одамлар учун дарахтда қурилган уй (Япония)

Nendo компанияси томонидан қурилган уйнинг бир қисмида одамлар, иккинчисида эса қушлар яшайди.

Беллависта (Коста-Рика)

Бу Коста-Рикадаги дарахтларга қурилган экологик тоза қишлоқларнинг бир қисми. У 600 акр майдонни эгаллайди.

Дарахтдаги самолёт-уй (Коста-Рика)

Бу Boeing 727 самолёти Жоан Ассери томонидан 2 миллион доллар эвазига дарахтда президент люкс хонасини қуриш мақсадида сотиб олинган.

Чой уйи (Яманаси, Япония)

Бу уй япониялик архитектор Терунобу Фухимори томонидан қурилган.

Дарахтдаги НУЖ-уй (Швеция)

Швециянинг Tree Hotel меҳмонхонаси отеллар қуришда янги йўлдан юришга қарор қилди. Ин-уй ва Кўзгу-уйдан сўнг улар ўзга сайёраликлар кемасини бунёд этишди.