Германия канцлери Ангела Меркель Лондонга ташрифи чоғида Буюк Британия махсус хизматлари раҳбариятидан ИШИД террорчилик гуруҳи ҳақидаги маълумотларни олди. Эвазига эса Россия, унинг президенти, Украинадаги беқарорлик ва Қримдаги вазият ҳақидаги маълумотлар билан бўлишди. Бу ҳақда The Times газетаси маълумотига таяниб, «Газета.ru» хабар беради.
Нашрнинг маълум қилишича, Меркель ва Британия махсус хизматлари раҳбарларининг учрашуви бош вазир Дэвид Кэмероннинг иштирокида, унинг шаҳар ташқарисидаги қароргоҳида 2015 йилнинг октябрь ойида бўлиб ўтган. Учрашувда MI5 контрразведка хизмати раҳбари Эндрю Паркер, Буюк Британия MI6 ташқи разведка раҳбари Алекс Янгер ва Буюк Британия Ҳукумат алоқалари маркази директори Роберт Ханниган иштирок этган.
Икки сиёсатчи учрашувда Европанинг Россияга қарши санкцияларини Минск келишувлари тўлиқ бажарилгунга қадар сақлаб қолиш лозимлиги, шунингдек, Суриядаги вазият сиёсий йўл билан тартибга солиниши кераклиги тўғрисида келишиб олди.
Изоҳ (0)