Forbes йилнинг энг даромадли Голливуд актёрларини аниқлади

Forbes журнали 2015 йил якуни бўйича Голливуднинг энг даромадли актёрлар рўйхатини эълон қилди.

Асосан «Қасоскорлар: Алтрон Эраси» ва «Биринчи қасоскор: Бошқа Уруш» фильмлари билан киностудияларга ҳар бир сарфланган доллар учун 181,8 доллар фойда келтирган Крис Эванс рейтингнинг биринчи қаторини эгаллади.

Ундан кейинги ўринни кинокомпанияларга ҳар бир сарфланган доллар учун 87,3 доллар қайтариб берган Мила Кунис («Юпитер Чиқиши», «Оз: Буюк ва Даҳшатли») эгалламоқда.

Учинчи ўринда ўзининг гонорарини 85 баробарга кўпайтирган Скарлетт Йоханссон турмоқда («Қасоскорлар: Алтрон Эраси», «Люси»).

Шунингдек, Гвинет Пелтроу (бир долларга 82,9), Эмма Стоун (бир долларга 54), Крис Хемсворт (бир долларга 42,1), Вин Дизель (бир долларга 40.3), Женифер Лоуренс (бир долларга 39.1), Марк Уолберг (бир долларга 39.1) ва Дуэйн Жонсон (бир долларга 28,1) рейтингдан ўрин олган.