Ғоялар валидацияси — бу таклифингизнинг иқтисодий мақсадга мувофиқлигини текшириш жараёнидир. Маҳсулотингиз одамлар учун манфаатлими? Улар маҳсулотингизга пул сарфлашга тайёрми?
Ғоялар ўз-ўзидан бизнес қийматига эга эмас — фақат бозор шароитларида текширилган ва синалган, кенгайтириш учун яроқли гипотезаларгина дуруст.
Синаш жараёнида асосий урғуни маҳсулотга эмас, аудитория муаммолари ва эҳтиёжларига бериш керак.
Эҳтимол, сиз умуман мавжуд бўлмаган муаммони ҳал қилишга киришарсиз ёки одамлар унга бошқача кўз билан қарар. Шунинг учун бундай нарсаларни олдиндан, аудитория билан мулоқот қилиш орқали текшириш зарур.
Истеъмолчилар фикрини интервью, онлайн-сўров ёки лендинг яратиш орқали олиш мумкин. Ҳозирча мавжуд бўлмаган маҳсулотни реклама қиладиган мақсадли саҳифа очишингиз, ва конверсия кўрсаткичлари асосида ғоя устида ишлашни давом эттириш керак ёки йўқлигини тушуниб олишингиз мумкин.
Таклифингизни валидацияга тайёрлаш жараёни 5 та асосий босқичдан иборат:
- Кўзда тутилган аудитория. Бунда потенциал мижозингиз ким эканлигини максимал даражада аниқ қилиб белгилаш керак.
- Муаммо. Бу босқичда маҳсулотингиз кўзда тутилган бозорнинг қандай муаммосини ечишини аниқ ифодалаш зарур.
- Ечим. Маҳсулотингиз мижознинг муаммосини айнан қай тарзда ҳал қилишини аниқланг.
- Рисклар. Бу ерда ғоянгиз валидациясида қандай рисклар бўлиши мумкинлиги ҳақида ўйлаб кўринг. Масалан, катта реклама бюджети ва бизнес юритишнинг кундалик харажатлари ёки мураккаб технологик MVP.
- Таклиф. Агар барча босқичлар ўтиб бўлинса, офферни ифодалаб, бета-лендингни яратишга ва мақсадли трафикни созлаш (одатда бу контекстли реклама)га киришиш қолади.
Мақолани тайёрлашда қуйидаги манбадан фойдаланилди: http://lpgenerator.ru/
Лойиҳа «Дарё» ва StartupFactory.uz томонидан ишга туширилган.
Изоҳ (0)