Пенза вилоятида юк автомашинасининг микроавтобус билан тўқнашуви оқибатида 4 киши ҳалок бўлди

Россиянинг Пенза вилоятида юк автомашинаси ва йўловчи ташувчи микроавтобус ўртасида содир бўлган тўқнашув оқибатида тўрт нафар киши ҳалок бўлди. Бу ҳақда «Интерфакс» берган маълумотларга асосан, «РБК» хабар қилмоқда.

Дастлабки маълумотларга кўра, ҳодиса эрталаб соат 6:10 да М-5 «Урал» трассасининг 766-километрида содир бўлган. Фалокат оқибатида яна тўрт нафар киши тан жароҳат олди.