Penza viloyatida yuk avtomashinasining mikroavtobus bilan to‘qnashuvi oqibatida 4 kishi halok bo‘ldi

Rossiyaning Penza viloyatida yuk avtomashinasi va yo‘lovchi tashuvchi mikroavtobus o‘rtasida sodir bo‘lgan to‘qnashuv oqibatida to‘rt nafar kishi halok bo‘ldi. Bu haqda “Interfaks” bergan ma’lumotlarga asosan, “RBK” xabar qilmoqda.

Dastlabki ma’lumotlarga ko‘ra, hodisa ertalab soat 6:10 da M-5 “Ural” trassasining 766-kilometrida sodir bo‘lgan. Falokat oqibatida yana to‘rt nafar kishi tan jarohat oldi.