Toshkentda Blumarine gulqog‘ozlar kolleksiyasi taqdimoti bo‘lib o‘tdi

Elite Design savdo belgisi 14-dekabr kuni Toshkentda Emiliana Parati (Italiya) fabrikasining yangi — Blumarine deb nomlangan gulqog‘ozlar kolleksiyasi taqdimotini o‘tkazdi.

Yangi yil bayrami arafasida tashkil etilgan, ko‘ngilochar-dam olish ruhida o‘tkazilgan tadbirda Elite Design savdo belgisining asosiy hamkorlari — dizaynerlar, qurilish tashkilotlari va savdo tarmoqlari vakillari, shuningdek, keng jamoatchilik ommasi — xaridorlar ishtirok etdi.

Taqdimot mehmonlari Elite Design savdo belgisi ostidagi do‘konlar tarmog‘ida xaridorlarga taklif qilinayotgan, Yevropa mamlakatlarining yetakchi ishlab chiqaruvchilari tomonidan tayyorlangan gulqog‘ozlar, laminatlar, yelim mahsulotlari, shuningdek, ekslyuziv pardalar bilan tanishish imkoniga ega bo‘ldi.

Tadbirning asosiy qismida Italiyadan tashrif buyurgan Emiliana Parati fabrikasi vakillari Blumarine gulqog‘ozlar to‘plamini taqdim etdi. Mazkur gulqog‘ozlar to‘plami o‘zining yuqori sifati va dizaynining originalligi bilan ajralib turishiga alohida urg‘u berildi. Yig‘ilganlar yangi mahsulot devorning chiroyini qay darajada ochishini tomosha qilish imkoniyatiga ega bo‘ldi.

Musiqiy shou dasturi yig‘ilganlarga xush kayfiyat ulashgan bo‘lsa, Elite Design savdo belgisi tomonidan tashkil etilgan sovrinli tanlovlar g‘oliblariga topshirilgan sovg‘alar tadbirga haqiqiy Yangi yil ruhini olib kirdi.

Elite Design — Toshkent shahridagi do‘konlar tarmog‘i bo‘lib, o‘z xaridorlariga Yevropaning yetakchi ishlab chiqaruvchilari tomonidan tayyorlangan 3000 ming xildan ortiq gulqog‘ozlar, laminat, parket taxtalari, qoplama mahsulotlari, elit pardalar va “lyuks” tasnifidagi fabrikalarning eksklyuziv matolarini taklif qiladi.

Ta’kidlash joizki, Elite Design’ning xalqaro savdo hamkorlari orasida, nafaqat Italiya, balki Angliya, Belgiya, Germaniya, Janubiy Koreya, Xitoy va Rossiyaning yetakchi fabrikalari bor.

Reklama huquqi asosida