Amazon интернет-ритейлерининг асосчиси ва бош директори Жефф Безос Американинг Forbes журнали томонидан тузилган 2015 йилнинг энг омадли миллиардерлари рўйхатида биринчиликни эгаллади. Безоснинг бойлиги 2015 йилда 29 миллиард долларга ошиб, эндиликда 58 миллиард долларга баҳоланмоқда, деб хабар беради «Hi-Tech Mail.ru».
Рўйхатнинг иккинчи ўрнидан Facebook асосчиси ва бош директори Марк Цукерберг жой олди. Унинг 2015 йилдаги даромади 11,2 миллиардни ташкил этиб, молиявий аҳволи эндиликда 45,6 миллиардни ташкил этмоқда.
Ўз даромадини 9,2 миллиард долларга кўпайтириб, жами маблағини 37 миллиард долларга етказган Google асосчиларидан бири Ларри Пейж эса учинчи ўринни эгаллади.
Amazon ўз маҳсулот ва хизматларини интернет орқали сотувчи дунёнинг йирик компанияларидан бири ҳисобланади. Шунингдек, булутли инфратузилма иштирокчиси ва электрон китоблар ритейлеридир.
Изоҳ (0)