The North Face ва Esprit кийим-кечак маркалари асосчиларидан бири, америкалик бизнесмен ва атроф-муҳит ҳимоячиси Дуглас Томпкинс Аргентина ва Чили чегарасидаги кўлда каяк (усти берк тери қайиқ)да сузиш чоғида ҳалок бўлди, дея хабар бермоқда «РБК». У 72 ёшда эди.
Бизнесмен билан бирга яна беш сайёҳ бўлган каяк ағдарилиб, одамлар муздек сувга тушиб кетди. Томпкинс Чилидаги касалхонага етказилди, бироқ узоқ вақт музлаб қолгани туфайли, унинг ҳаётини қутқариб бўлмади.
Шифокорлар сўзларига кўра, у касалхонага келтирилганида, тана ҳарорати бор-йўғи 19 даража бўлган. Қолган беш киши қаттиқ жабр кўрмаган.
Дуглас Томпкинс 1968 йилда Дик Клопп билан биргаликда The North Face спорт кийим-кечаклари брендига асос солган. Кейинроқ Esprit кундалик кийим-кечаклар маркасини яратган.
Изоҳ (0)