Туркия соҳилларида юз берган пўртана туфайли афғонистонлик муҳожирларни олиб кетаётган қайиқ ағдарилиб кетиб, олти нафар бола, жумладан, бир нафар чақалоқ чўкиб кетди. Қирғоқ ҳимояси хизмати саккиз кишини қутқариб қолишга муваффақ бўлди, яна икки киши бедарак йўқолгани айтилмоқда, дея хабар беради The Telegraph.
Нашр маълумотларига кўра, ҳодиса Туркия ғарбидаги Чашма шаҳри атрофида юз берган. Қочоқлар Грециянинг Хиос оролига йўл олаётганди.
Маълумот ўрнида айтиш жоизки, айни пайтда Туркияда икки миллиондан зиёд суриялик қочоқ истиқомат қилмоқда. Евроиттифоқ Анқарага уларнинг ҳаёт тарзини яхшилаш учун қўшимча 3 миллиард евро ажратишга ваъда берган, ушбу маблағ қочоқлар мамлакатда қолиши ва Грецияга йўл олмаслиги учун берилади. Шунингдек, Еврокомиссия раиси Жан-Клод Юнкер маълум бир шартлар бажарилганидан сўнг Иттифоқ ва Туркия ўртасида 2016 йил кузидан бошлаб визасиз тартиб жорий этилишини маълум қилган.
Изоҳ (0)