30 ноябрь—1 декабрь кунлари Тошкентдаги Grand Orzu меҳмонхонасида «Болаларни ҳимоя қилиш тизимини мустаҳкамлаш ва ижтимоий етимлик профилактикаси масалаларини ОАВларда ёритиш» мавзусида икки кунлик семинар бўлиб ўтди, дея хабар бермоқда «SOS – Ўзбекистон болалар маҳаллалари» уюшмаси матбуот хизмати.
Унда ахборот агентликлари, теле- ва радиоканаллар, газета ва журналлар, веб-сайтлар ходимлари қатнашди.
Семинарда таъкидланишича, болалар муассасалари тарбияланувчиларининг 15 фоиздан камроғигина ота-оналарини йўқотган, бу боланинг давлат қарамоғига берилишининг олдини олиш мақсадида оилаларга кўмак бериш бўйича профилактика ишлари ва ижтимоий хизматлар етарли даражада олиб борилмаётганидан дарак беради.
Семинарда журналистиканинг турли соҳаси мутахассислари болалар саломатлигини таъминлаш қонунчилиги ва механизмлари, ижтимоий заиф оилалар ва болалар билан ишлаш амалиёти ҳақидаги тушунчаларини мустаҳкамлаш имкониятига эга бўлди.
Изоҳ (0)